Gustin’rîyes

Gustin'rîyes
Si vos vos fètes controlér pa l'èrcèveû dès contribucions, nè lyi rèspondèz nîn :
• C'èst dèspûs qu' dju n' bwa pus què d'é tant dè liârds, d'é r'portè saquantès boutèyes vûdes ô p'tit boutique.
• Dju n' sû tout l' minme nîn oblidjî dè dèclârér què d'é d' l'oûr dins mès mangn', èno !
• Way, dju fé du nwâr, c'èst 'ne couleûr qui m' va bîn, parèt-i.
• Vos-astèz pîre què m' feume, vous : pace què dju sû toudis ô Succès, èle mè dit qu' c'èst m' deûsième résidance, mès vous, vos voûrîz mè l' fé payî, in d' pus.
• C'èst co m' feume qu'avoût inmadjinè d' rimpli in tél contrat d' mariâdje : ô dèrnîn vikant, tous lès brins.
• Ayu ç' què dju va quér tous lès yârds pou fé lès djîles ? Bîn dins m' cagnote, da !
• Si d'é in-apartèmint a la mèr', c'èst d' su l'orde du mèd'cin, c'èst pou m' santè : ça d'vroût yète rimboursè pa l' mutuwèle d'ayeûrs !
• Si d'é mis mès yârds ô Lucsamboûrg, c'èst pou n' nîn avoû trop souvint l'invîye dè dalér din r'saquî al banque.
• Quand l' lussiè a sounè a m'n-uche, d'é stè... sési.
• D'é bîn seûr payî saquantès bleûses piéres dè ç' nouvia batimint ci.
• Ène mèskène a no méson ? Vos n' vourîz nîn què dju dèclârisse èm feume téqu'fwas ?!
• Way, nos-avons deûs-otos : ène vièye pou m' feume fé sès comissions 'yèt dalér a s'n-ouvrâdje ... què, ouuu ! èyèt 'ne bèle, dèscouvrîye, pour mi l'inmin.nér pourmènér l' dîmince, quand l' solèy lût. Comint ça, nîn souvint d'aboûrd ?
• D'é toudis stè in bon crétyin, dju n'é jamès volè ni dèstournè dès yârds, d'âroû bîn droût a dalér ô « Paradis fiscal », èno ?!

Augustin Beelaert
(Morlanwelz-Mariemont)