Mossieû l’ordinateur

Vous v’ éz instalèy tout doûçmint
T-a cutchèssant toutes nos métouôdes
Dj’ atins amplwayi dpeus lontins
V’ éz vnu tchû nous pou rmète du l’ ouôrde

Sins-arèt, dj’ ans stu contrarièy
V’ atinz malâji a comprinre
Aveu ça qui v’ causinz anglès
Tout ç’ qui v’ dijinz atout a rtinre

Combin d’ couôps v’ nous éz fât chuèy
Dju v’ trouvins bin souvint mau vnu
Doûçmint dj’ ans stu aroutinèy
Èt tout d’ é couôp, dj’ â tout rténu

Asteure dju nous atindans bin
C’ èst au dwégt qu’ an v’ fât obèyi
Du l’ ouvratche, v’ a rabatèy plin
Mâs vous n’ atéyes jamâs courci

Si lès ceunes qu’ an toudjous a rdère
Nu v’ mètinz-m’ su l’ dos la dôbèye
I comprinrint qui vote mémwère
A vous, nu peut jamâs s’ trompèy

© Fernande Winand-Weynand, recueil Sondjes èt souvances
© revue Singuliers 1-2021, Neufchâteau, Belgique

Merci beaucoup à sa fille Françoise qui nous a envoyé son recueil
et qui nous permet de reproduire ici les poèmes écrits par sa maman

Gaumais de Habay
Malêjis mots
é: un
chuèy: suer
courci: fâché
cutchèssî: chasser constamment
dôbèye: responsabilité d’une faute; raclée, réprimande
éz: avez, 2e pers. plur. avoir
tchû: chez