Èl vî ome atôche sès mwins

Èl vî ome atôche XX sès mwins

Ô, mès mwins qui sʼin vont,

qui sʼ pièdʼneut come in richot dins lʼ sâbe...

Pouqwè vos-in-daléz ?

Djʼé co tant dandji dʼ vous.

Mès bounès mwins, mès fôtès XX mwins,

quʼont tant tayi, fautchi, fouyi, fourtchi,

quʼont tant coubʼzaci XX dès pʼtits djambots XX,

dès djaubes èt dès bwèches XX,

dès satchîyes dè canadas,

mès mwins quʼont tant scrît, tant toûrnè dès pâdjes,

mès mwins quʼont carèssi,

mès mwins quʼont tʼnu lʼ fuzik pou lʼ cache XX

èt co – faleut bin – lʼ fuzik pou lʼ guêre,

mès vîyès mwins, dures, à tchalons XX,

qui nʼ sintint nin dʼdjà lès spènes,

dèvʼnûwes si coches XX,

toûrnéyes à mwins dʼ makéye,

mès mwins quʼont trét dès mousséyes èt dès mousséyes XX,

mès mwins quʼont satchi lʼ via,

èyʼ édî lʼ bèrbis à fé sès djon.nes,

mès mwins quʼont côpè lʼ goyî XX dou pʼtit bèdot,

― faleut co bin.

Dès mwins dʼ mémwêre,

dʼène vikérîye dè djins,

dʼin vikâdje dè djins.

Dès mwins quʼont djibotè XX dins lʼ bèrce

i-gn-a câsi quatrè-vints ans,

qui sʼont stindu aviè lʼ mouman,

ène mouman arvoye dèspûs dès razans XX

tant èt si bin quʼon nʼ sè souvint dʼ lèye què pa ʼne foto.

Pouqwè vos-in-daléz ?

Djʼaureû tant vʼlu co prinde a bras

in pʼtit tiot XX, ène pètite tiote...

Djʼaureû tant vlʼu co carèssî,

co sèmer, co bouturer, co rʼpiquer,

co fé crèche èl têre...

Djʼaureû tant vʼlu co tant dès saqwès.

Djʼaureû...

Willy Bal
poème inédit, en dialecte de Jamioulx.
Willy Bal était le président d’honneur des Rèlîs

Rappel : le samedi 1er octobre 2016, journée de décentralisation de la SLLW consacrée à Willy Bal,
dans son village de Jamioulx, à l’Espace Jean Hainaut (ancienne gare).
(V. CW, mai-juin, p. 93).