Caracoles

Félix Vercheval, 1886-1964, écrit en wallon de Mesnil-Saint-Blaise, Mwin.ni, Beauraing.

Lors de la parution d’un premier texte de cet auteur, né à Jemelle (Rochefort), dans la revue Singuliers n° 2 - 2020, nos abonnés famennois nous avaient demandé d’en faire paraître un deuxième.
Voici leur vœu exaucé et nous leur en souhaitons une bonne lecture. 
Rappelons que plusieurs œuvres de Félix Vercheval parurent dans Les Cahiers Wallons n° 10 en décembre 1967, écrites durant les années 1943 à 1951.

*

Lèyoz couru lès caracoles,
Mi fi, cès bièsses la n’ fièt pont d’ mau.
Ni vos-aprind-on nin è scole:
Soyez bon pour les animaux?

Gn-a dès cias qu’ dîjenut qu’ èles fièt ploûre ;
- On plèt crwêre ça do tins passè –
Asteûre on n’ èst pus ossi loûrd,
Li syince a tant fêt do progrès

On côze co bin di ç’ qui ça mougne...
- N’ dîreut-on nin qu’ c’ èst dès pourcias! –
S’ èles mougnrint co gros come mi pougn
On n’ sèrèt nin pus pôve po ça.

D’ alieûrs, vêci, foû do viyadje
Èt lon do corti d’ nosse môjon,
Nin dandji d’ tant fè ramadjes ;
Ç’ n’ èst nin su nosse bin qu’ èlle îront.

Èt pus, sondjoz qui, tot-a l’ eûre
Après l’ Tossint, quand va fè mwês,
Èle si vont catchi po l’ frèdeûre
Padrî leû couvièke, bin ô rcwè.

Adon, nos-îrans on dîmègne
È ramassè plin on tchèna,
Èt vosse mouman, qui n’ èst nin bwègne,
Nos lès frè cûre avou dès-as.


Quand ‘nn-ôrans ralètchi l’ casrole,
Vos v’ sovêroz di m’ rêson’mint:
Lèyoz couru lès caracoles,
Qui c’ èst dès bièsses qui n’ fièt qu’ do bin!

© Félix Vercheval, revue Singuliers 2e trimestre 2021, Neufchâteau, Belgique

en wallon de Mesnil-Saint-Blaise Mwin.ni

Malêjis mots
caracole: escargot
corti: jardin potager
couvièke: coquille
dandji: besoin
mwês: mauvais
ploûre: pleuvoir
(au) rcwè: à l’abri
tchèna: panier.